البارحه فزيت بالنوم ولهان=== في ليلة ٍ ما مثلها فالليالي
في لحظةٍ طيف الغضي مربأعيان = في حلم ليل ٍ مر بأغلى حلالي
صورة وليف ٍ بالحشا صار سلطان=== غالي لحاله يابعد كل غالي
عز الله انه والغلا صارعنوان === أغلى الغلا له سيد كل الغوالي
عز الله انه باني فالقلب بنيان=== عالي مكانه يا بعد كل عالي
حبه بقلبي ساكنن بين وجدان=== وجدان قلبي والغلا رأس مالي
اثر الغلا والحب بالقلب نيران=== نار ٍ تحوش القلب نار ٍ بصالي
اثر الهوى والحب يا زين خسران=== والله يصبرني على ما جرالي
كيف القمر يضوي وفالقلب بركان=== والضيم باقي والليالي طوالي
والخاتمه باللي فرض خمس الاركان=== الواحد المعبود بأول وتالي
وسلامتكم
اخوكم
الشاعر
عبدالرحمن الملعبي